Coca Cola Суперлига ва Про-лига ҳакамлари иштирокида навбатдаги семинар бўлиб ўтди

Ўзбекистон футбол ассоциацияси томонидан мамлакатимизда фаолият юритаётган ҳакамларнинг малакасини ошириш, ҳакамлар томонидан ўйинларни бошқаришда ҳалоллик ва шаффофликни таъминлаш мақсадида мунтазам равишда қатор чора-тадбирлар амалга оширилмоқда.

Жумладан, Coca Cola Суперлига ва Про-лиганинг ҳар бир туридан сўнг ЎФА Ҳакамлар ва назоратчилар департаменти томонидан ҳакамлар учун махсус семинар ташкил қилиниб, ўйинлар давомида йўл қўйилган хато ва камчиликлар таҳлил қилиб борилмоқда.

Бугун ЎФА мажлислар залида Суперлига ва Про-лигада фаолият юритаётган ҳакамлар учун навбатдаги семинар ташкил қилинди.

Семинар давомида сўнгги турларда ишлаган ҳакамларнинг ҳатти-ҳаракатлари таҳлил қилиниб, йўл қўйилган баъзи хатолар кўрсатиб ўтилди, камчиликларни қандай бартараф этиш, кейинги ўйинларда бу хатоларни такрорламаслик учун нималарга аҳамият қаратиш зарурлиги таъкидланди.

Семинарда бир қатор оммавий ахборот воситалари вакиллари ҳам иштирок этганини таъкидлаб ўтиш зарур. Улар ўзларини қизиқтирган саволлар билан ҳакамларга ва мутахассисларга мурожаат қилишди.

Бу галги семинар ҳам барча учун бирдек фойдали тарзда ўтди. 

Ўқилган: 1766
Семинарлар ва ўқув курслари

Фойдаланувчилар фикрлари



Мазву бўйича

Тошкент вилояти болалар-ўсмирлар футбол академияси мураббийи ишдан четлатилди
18:54
Испания кубоги, ярим финал. "Барселона" – "Севилья" 3:0
05:00
Испания чемпионати, 25-тур. "Реал" Мадридда "Реал" Сосьедадни енга олмади
04:57