Ҳудудий болалар ва ўсмирлар футбол академиялари учун English for Football ўқув-дастури бўйича семинар бўлиб ўтди

Ўзбекистон футбол ассоциацияси томонидан ҳудудий болалар ва ўсмирлар футбол академиялари фаолиятини тўғри йўлга қўйиш, академия битирувчиларининг келажакда етук футболчи бўлиб етишишларини таъминлаш, миллий ва ёшлар терма жамоалари учун муносиб номзодлар тайёрлаш мақсадида бир қатор чора-тадбирлар амалга оширилмоқда.
 
Жумладан, шу йилнинг 6-7 апрель кунлари Ўзбекистон футбол ассоциацияси биносида ҳудудий болалар ва ўсмирлар академиялари инглиз тили ўқитувчилари учун навбатдаги семинар ташкил этилди. Семинарни ЎФА Футболни ривожлантириш департаменти директори Онгар Жалимов очиб берди. У ўқитувчиларга олдиларига қўйилган мақсад ва вазифаларни бажаришда омад тилади.

Шундан сўнг семинарнинг амалий қисми бошланди. Унда академиялар тарбияланувчилари ҳамда мураббийлари учун “English For Football” инглиз тили ўқув-дастурини амалиётга татбиқ этиш масаласи муҳокама қилинди. Шунингдек, иштирокчиларга видеотақдимот ўтказилди. Семинарни инглиз тили бўйича мутахассис Саъдулла Музаффаров олиб борди. Семинар сўнггида апрель ва май ойларида академияларда ўқитиладиган дарслар муҳокама қилинди. Ўқитувчиларга мақсад ва вазифалар тушунтирилиб, топшириқлар берилди.

Ўқилган: 1174
Болалар футболи ЎФА фаолиятига доир

Фойдаланувчилар фикрлари



Мазву бўйича

2020 йилги Coca-Cola Суперлигаси, Ўзбекистон кубоги ва мамлакат лига кубоги учрашувлари тақвими
03:19
Вадим Aбрамов Ўзбекистон U19 машғулотига ташриф буюрди
07:57
“Бухоро” - “Андижон” 2:2
17:58