Бекхэмнинг “Интер Майами” клуби ўз тарихидаги илк трансферларни эълон қилди
Афсонавий футболчи Дэвид Бекхэмнинг клуби “Интер Майами” ўз тарихидаги илк трансферларни эълон қилди.
Америкаликлар клуби ҳужумчи Хулиан Карранса ва вингер Маттиас Пеллегринини сотиб олди. “Интер” Пеллегрини учун 9 млн евро, Карранса учун эса беш млн сарфлади.
Икки аргентиналик футболчи ҳам 2020 йилнинг 31 январига қадар ўз клубларида ижарада асосида ўйнашади. Кейин эса МЛСдаги фаолиятини бошлайдиган “Интер” сафига бориб қўшилишади.
19 ёшли Пеллегрини “Эстудиантес” клуби тарбияланувчиси ҳисобланади. У жамоада 17 ўйин ўтказиб, уч гол ва битта самарали узатмага муаллиф бўлган. 19 ёшли Карранса “Банфилд” тарбияланувчиси. У клубида 33 ўйинда иштирок этиб, етти гол ва битта голли пасга муаллиф бўлган.
Ўқилган: 2816