Месси олти ойлик дисквалификация олиши мумкин
“Барселона” клуби ҳужумчиси Лионель Месси Аргентина термаси ўйинларидан дисквалификация қилиниши мумкин.
КОНМЕБОЛ икки ойдан олти ойгача бўлган дисквалификация вариантини кўриб чиқмоқда. Бу эса Месси ушбу йил деярли терма жамоа ўйинларида иштирок эта олмаслигини англатади.
Аввалроқ футболчи ташкилотни коррупцияда айблаганди.
Йилнинг қолган қисмида Аргентина фақат ўртоқлик ўйинларида иштирок этади. Сентябрда улар Мексика ва Чили термалари билан баҳс олиб боришади. Октябрда эса Германия ва Басконияга қарши ўйин бор.
Ноябрда аргентиналиклар Саудия Арабистонида иккита ўртоқлик ўйинида иштирок этишади. Рақиблардан бири Бразилия термаси бўлса, иккинчиси Осиё терма жамоаларидан бири бўлади.
Ўқилган: 3018