Лондоннинг "Арсенал" клуби бош мураббийи Унаи Эмери "Реал" ярим ҳимоячиси Марко Асенсионинг жароҳати Дани Себальоснинг "тўпчилар" сафига трансферига таъсир қилиши мумкинлиги ҳақида гапириб ўтди.
"Қандай бўлишини билмайман. Биз "Реал"га қарши ўйинни жароҳатсиз якунламоқчи эдик, бу бизнинг мақсадимиз эди. Ишончим комилки, "Реал"дагилар ҳам айнан шуни истаганди, бироқ Асенсио жароҳат олди. Бу биз ва улар учун ҳам ёмон хабар. Асенсионинг жароҳати Себальоснинг "Арсенал" клубига трансферига таъсир қиладими йўқми, билмайман", - дейди Эмери.
“Реал” клуби ярим ҳимоячиси Марко Асенсио International Champions Cup доирасида “Арсенал”га қарши кечган баҳсда жиддий жароҳат олди. Футболчи танаффусдан кейин захирадан майдонга тушди ва майдонда 20 дақиқа ўйнади, у бу вақт ичида гол уришга ҳам эришди. Иккинчи тайм мобайнида Асенсио жароҳат олди ва майдонни замбилда тарк этди. Футболчининг қайта тикланишига таҳминан 8-9 ой вақт талаб этилади.