"Аякс" директори де Лигтнинг "Ювентус"га трансфери ҳақида маълумот берди

"Аякс" клуби директори Марк Овермарс жамоа ҳимоячиси Маттейс Де Лигтнинг "Ювентус"га трансфери ҳақида гапириб ўтди.

"Якун яқин. Гап банк томонидан бериладиган кафолат ҳақида кетмоқда, чунки "Аякс" клуби бундай саволларда жуда ҳам эҳтиёткор.

Умид қиламанки, буларнинг барчаси тез содир бўлади ва улар уддалашади", - дейди Овермарс.

Аввалги маълумотларга кўра, клублар трансфернинг барча шартлари бўйича келишиб олган, туринликлар 19 ёшли ўйинчи учун 70 млн евро ва бонуслар тақдим этган. Футболчининг шартномасида эса 150 млн евро миқдоридаги товон пули банди киритилган.

Ўқилган: 1823
Аякс Маттейс де Лигт Трансферлар Ювентус

Фойдаланувчилар фикрлари



Мазву бўйича