Месси: Биз Бразилиядан устунроқ ва финалга кўпроқ лойиқ эдик. Футбол бизга нисбатан адолатсизлик қилди

"Барселона" клуби ва Аргентина терма жамоаси ҳужумчиси Лионель Месси унинг терма жамоаси Америка Кубогида учинчи ўриндан кўпроғига лойиқ эканлигини таъкидлади.

"Биз ушбу мусобақани соврин билан, амма энг асосийси бошимизни юқори кўтарган ҳолда тарк этмоқдамиз. Бу сафар футбол бизга нисбатан адолатсизлик қилди.

Бизнинг ўйин даражамиз билан Бразилиядан устун ва финалда бўлишга  кўпроқ лойиқ эдик.

Бироқ биз олдинга оптимистик кўз билан қарашимиз керак, чунки олдимизда келажак бор – ушбу терманинг жиддий пойдевори бор.

Бизга озгина вақт керак, олға Аргентина", - деб ёзган Лионель ижтимоий тармоқда.

Месси Америка Кубогининг бронза медалларини тақдирлаш маросимида йўқ эди. У коррупция ва пуллар Аргентинани финалга чиқмаслигига сабаб бўлганини таъкидлади.

Ўқилган: 1337
Америка Кубоги Аргентина термаси Лионель Месси

Фойдаланувчилар фикрлари



Мазву бўйича