Франциялик ярим ҳимоячи Самир Насри фаолиятини Бельгия чемпионатида давом эттириши мумкин.
Sky Sports нашри тарқатган хабарга кўра, 32 ёшли хавбек "Андерлехт" клуби билан шартнома имзолаши кутилмоқда. Клубнинг ўйновчи-мураббийи Венсан Компани ушбу трансферни амалга ошишида иштирок этмоқда.
Насрининг "Вест Хэм" билан шартномаси якунланган. Ҳозирда у эркин агент ҳисобланади.
Аввалроқ Насрига БААнинг "Ал-Аҳли" клуби қизиқиш билдирган эди.