“ПСЖ” бир шарт билан Неймарни “Барселона”га сотишга тайёр
“Барселона” ва “ПСЖ” клублари Неймар трансфери борасидаги музокараларни давом эттиришмоқда.
Diario Sport нашрининг хабар қилишича, Неймар ўрнига Филиппе Коутиньо ва 100 млн евро “ПСЖ”ни қониқтирмаган. Улар Усмон Дембелени олиб келишни исташмоқда.
Томас Тухель франциялик футболчи билан “Боруссия”да ишлаган ва уни ўз жамоасида кўрмоқчи.
“Барселона” аввалига бу таклифга қарши чиқаётганди, бироқ раҳбарият кейинчалик ўйлаб кўрган ва мазкур келишув борасида иш бошлаган.
“ПСЖ” молиявий фэйр-плей қоидаларини бузмаслик учун франциялик футболчини ижарага олган ҳолда кейинги мавсум уни тўлиқ сотиб олиши мумкин. Усмоннинг ўзи ҳам Парижга йўл олишга қарши эмас.
Ўқилган: 4898