“Атлетико” Фелиш учун 120 млн евро таклиф қилди
“Атлетико” клуби “Бенфика” ярим ҳимоячиси Жоау Фелиш трансфери борасида расмий таклиф билан чиқди.
Испан клуби “Бенфика”га 126 млн евро таклиф қилган, буни португалияликлар маълум қилишди. Эслатиб ўтамиз, 19 ёшли футболчининг товон пули 120 млн еврони ташкил қилади.
Таклиф кўриб чиқилмоқда. Агар трансфер амалга ошадиган бўлса, “Бенфика” 120 млн еврога эга бўлади, 6 млн эса чиқимларни қоплашга кетади.
Фелиш ортда қолган мавсумда Португалия чемпионатида 26 ўйин ўтказиб, 15 гол ва 7та голли пасга муаллиф бўлди.
Ўқилган: 2073