Эктор Купер: Стадионга ташриф буюрган кўп сонли ишқибозларни кўриб жуда ҳам қувондим

Ўзбекистон – КХДР учрашувидан сўнг миллий терма жамоамиз бош мураббийи Эктор Купер қуйидагича фикр билдирди: 

- Бугун бир қатор янги футболчиларнинг ҳаракатига баҳо бериш имконига эга бўлдим. Биринчи ўйинда одатда хатолар кузатилиши мумкин бўлса-да бугун майдонга терма жамоа либосида илк бор чиққан йигитлар ҳаракатларидан мамнун бўлдим.  Бугунги янги йигитлар якунда қайд этилган натижага ўз муносиб ҳиссасини қўшишди. 

Бевосита ўйин хусусида гапирсам, баъзи жиҳатларда яхши ҳаракат қилдик, баъзи масалаларда эса ҳамон айрим камчиликлар бор экани маълум бўлди. Рақибга прессинг уюштириш жараёнида айрим янгиликларга ҳам қўл урдик. Ўртоқлик учрашувларда асосий мақсад ҳам шу – турли ўзгариш ва янгиликларни синаб олиш. 


Рақиб ўйини ҳақида кўп ҳам гапиришни хоҳламайман. Агар биз босим уюштириш пайти тўпни йўқотсак, навбатдаги қарши ҳужумга тайёр туришимиз лозим бўлади.  Асосийси – биз хато қилмасдан ўйнашимиз лозим. Зеро шундай рақиблар борки, улар хатоингизни асло кечириб ўтирмайди ва гол билан жазолайди. 

Якунда қайд этилган натижадан мамнунман. Қолаверса, бугун стадионга ташриф буюрган кўп сонли ишқибозларни кўриб ҳам жуда қувондим. Йигитлар ҳам ўзгача шашт билан майдонда ҳаракат қилишди. 

Учрашувдан сўнг бугунги баҳсни таҳлил қиламиз ва кузатилган хато ва камчликларимизни бартараф этишга ҳаракат қиламиз. 

Олдинда бизни Сурия билан ҳам ўйин кутиб турибди. Мазкур учрашувда ҳам айрим янги жиҳатларни кўздан кечириб оламиз, - деди мутахассис.

Ўзбекистон миллий терма жамоаси Ўртоқлик учрашувлари Эктор Купер
Место для Вашей рекламы

Фойдаланувчилар фикрлари



Мазву бўйича

Ўзбекистон Кубоги. "Сўғдиёна", "Оқ-тепа" ва АГМК кейинги босқичда
22:30
Миржалол Қосимов: "Пахтакор" ҳақли равишда ғалаба қозонди
03:36
Андрей Микляев: Рақобатбардош жамоа тузишга бўлган ҳаракатимизни давом эттирамиз
06:22
Темур Кападзе бошчилигида ЎФАнинг мураббийликка тайёрлов ўқув курслари бўлиб ўтмоқда
16:24