"Манчестер Юнайтед" Дембеле учун 40 миллион евро таклиф қилди
"Манчестер Юнайтед" клуби "Лион" футболчиси Мусса Дембеле борасида таклиф юборди. Бу ҳақида Goal нашри маълумот бермоқда.
Манбанинг таъкидлашича, "қизил иблислар" 22 ёшли футболчи учун Франция клубига 40 миллион евро таклиф қилишга тайёр. Манкунианликлар франциялик футболчини "ПСЖ"нинг ўсмирлар жамоаси сафида ўйнаб юрган пайтдан буён кузатиб келмоқда.
Дембеле "Лион" клубига ўтган йили "Селтик" жамоаси сафидан 22 миллион евро эвазига ўтган эди. Жорий мавсум Мусса 51 та ўйинда иштирок этиб, 23 та гол ва 6 та голли узатмани амалга оширди.
Футболчининг "Лион" клуби билан шартномаси 2023 йилнинг ёзига қадар амал қилади.
Ўқилган: 2501