“Челси” Игуаин борасида якуний қарорга келди
“Челси” раҳбарияти Европа лигасининг финалида “Арсенал”га қарши ўйиндан сўнг ҳужумчи Гонсало Игуаинни ортига қайтариб юборади.
Daily Mail нашри хабар беришича, клуб раҳбарияти Игуаинни сотиб олиш ёки ижара муддатини узайтириш фикридан қайтган. Шу тариқа, аргентиналик 31 ёшли ҳужумчи “Ювентус”га қайтиши кутилмоқда. Ўз навбатида “Юве” раҳбарияти ҳам Игуаиндан қутилиш йўлларини изламоқда.
Маълумот учун, Гонсало Игуаин “Челси”га январда келиб қўшилган ва шундан буён 21та учрашувда майдонга тушди ва 5та гол киритишга эришди.
Ўқилган: 3496