Франция терма жамоасининг собиқ ҳимоячиси Франк Лебеф Луис Суареснинг ўйин услуби ва "Барселона" клубининг ЕЧЛ ни тарк этгани ҳақида гапириб ўтди.
"Менга "Барселона" клуби жуда ҳам ёқади, бироқ мен Луис Суарес туфайли уларнинг Европа чемпионлар лигасига чиқа олмаганидан хурсандман.
Менда у каби ўйинчига ҳеч қандай ҳурмат йўқ. Ҳа у ажойиб футболчи ва унинг фаолияти жуда ҳам зўр. Бироқ у ғирромчи, кўп нолийдиган ҳурматсиз йигит.
Майдонда бундай футболчиларни ёқтирмайман, у ёшларга ёмон таъсир қилади.
Унинг жаҳон чемпионатида Ганага қарши баҳсда қўл билан ўйнаганидан жуда ҳам хурсанд эди, икки маротаба рақибни тишлаб олган.
Агар мен унга қарши майдонга тушсам, мени четлатишган бўлар эди. Рақибларнинг унга қарши совуққонлик билан ўйнашлари мени лол қолдиради. Мен унинг ўйинни якунламаслиги учун ҳамма ишни қилар эдим", - дейди Лебеф.