"Тоттенхэм" клуби жамоа ҳужумчиси Сон Хен Миннинг Англия чемпионати "Борнмут"га қарши ўйинда олган қизил карточкаси учун аппеляция берди.
Эслатиб ўтамиз, шанба куни бўлиб ўтган ўйиннинг деярли ярмини лондонликлар 10 киши бўлиб ўйнашди. Биринчи бўлим охирида "Тоттенхэм" ўйинни Сонсиз давом эттиришди дуранг натижани ҳам сақлаб қолиша олмади.
Сон ўзининг қизил карточкасини рақиб ярим ҳимоячиси Жефферсон Лермани туртиб юборгани учун олди, бироқ бош ҳакам Крейг Поусон ушбу вазиятдан олдин Жефферсон Лерманинг жанубий кореялик футболчини туртгани ва унинг оёғини босиб олганини кўрмай қолди.
Evening Standart нашрининг маълумотига кўра, "Тоттенхэм" клуби Соннинг ушбу ҳаракати учун учта ўйинга дисквалификация билан жазоланиши керак эмас деган фикрда ва жазони енгилаштирилишига умид қилишмоқда.
Агар ушбу аппеляция FA томонидан рад этилса Сон дисквалификацияни Премьер-лиганинг сўнгги тури "Эвертон" жамоасига қарши ўйиндан бошлаб юборади.