Дембеле жароҳат туфайли 3-4 ҳафта ўтказиб юбориши мумкин
"Барселона" клубининг франциялик ҳужумчиси Усмон Дембеле жароҳати туфайли сафдан чиқди. Бу ҳақида Mundo Deportivo нашри маълумот бермоқда.
Манбанинг таъкидлашича, футболчи жароҳати туфайли 3-4 ҳафта муддат майдонга туша олмайди. Дембеле Испания чемпионати 36-тур "Сельта" жамоасига қарши ўйинда жароҳат олган эди. Шу тариқа, футболчи жорий мавсумни эрта якунлади.
21 ёшли Дембеле ушбу мавсум Ла Лига доирасида 29 та ўйинда иштирок этди (20 тасида асосий таркибда) ва уларда 8 та гол, 5 та голли узатмаларни амалга оширган. Шу билан бирга футболчи ЕЧЛ доирасида 3 та гол ва 1 та голли узатмани ўз ҳисобига ёздириб қўйган. Усмоннинг каталонияликлар билан амалдаги шартномаси 2022 йилнинг ёзига қадар амала қилади.
Ўқилган: 2340