Мусиала Англия эмас, Германияни танлади
"Бавария" яримҳимоячиси Жамол Мусиала Англия эмас, Германия миллий жамоаси шарафини ҳимоя қилишга қарор қилди, дея ёзмоқда "The Athletic".
Отаси асли нигериялик Британия фуқароси, онаси эса немис миллатига мансуб бўлган 17 ёшли Жамол ҳар икки давлат фуқароси саналади. У Штутгартда туғилган ва 7 ёшида оиласи билан Англияга кўчиб ўтган.
"Мен шунчаки ўз қалбимга қулоқ тутдим ва туғилган мамлакатим Германия миллий жамоаси сафида тўп суришга қарор қилдим. Бу тўғри қарор бўлишига умид қиламан", – дея Жамолнинг сўзларини келтирмоқда "The Athletic".
Маълумот учун, "Бавария" футболчиси бунгача Англиянинг U15, U16, U17 ва U21 жамоалари сафида тўп суришга улгурган.
Ўқилган: 1482