Агуэро океанортига йўл олиши мумкин
"Манчестер Сити" ҳужумчиси Серхио Агуэро жорий йилнинг ёзида Англияни тарк этиши мумкин.
Унинг "шаҳарликлар" билан шартномаси июнь ойи охирида ўз ниҳоясига етади, томонлар ҳозирча янги келишув муҳокамасини бошлашгани йўқ. 32 ёшли футболчининг хизматларига ПСЖ, "Бавария", "Барселона" ва "Интер" клублари эҳтиёж сезмоқда. Шунингдек, Серхиода МЛСга йўл олиш варианти ҳам бор: Агуэрони "Лос-Анжелес Гэлакси" жамоаси шу йилнинг ёзида эркин агент сифатида қўлга киритмоқчи.
Маълумот учун, Серхио Агуэро "Ман Сити" таркибига 2011 йилда Мадриднинг "Атлетико"сидан келиб қўшилган эди.
Ўқилган: 1629