Тошкент шаҳрида 1-лигага ўтиш ўйинлари старт олди.
Мусобақанинг «А» гуруҳидан жой олган Мурод Отажонов шогирдлари бугун 1-тур ўйинида Самарқанднинг «Жомбой» жамоасига қарши майдонга чиқди. Қизғин, курашларга бой учрашув тақдири иккинчи бўлимнинг сўнгги дақиқаларида ҳал бўлди. Танаффусга самарқандликлар ғолиб сифатида йўл олди. Шероз Жалолов биринчи бўлимнинг сўнгги дақиқасида рақибни ҳисобда олдинга олиб чиқди. Учрашувнинг 82-83 – дақиқаларида Асадбек Исмоилбоев ва Азамат Жумабоев «Жомбой» дарвозасини ишғол қилиб, «Бунёдкор»нинг ғалабасини таъминлади.
Мурод Отажонов шогирдлари гуруҳ босқичи доирасида эртага «Даштобод»га қарши майдонга чиқади. Гуруҳнинг сўнгги учрашувида рақиб «Цементчи». Мусобақа низомига кўра, тўртта гуруҳнинг ғолиблари ярим финалга йўл олади ва 1-лига йўлланмаси учун курашни давом эттиради.
1-лигага ўтиш ўйини
«ЖОМБОЙ» - «БУНЁДКОР» - 1:2 (1:0)
22 декабрь. Тошкент. «Оқ-тепа» майдони.
Бош ҳакам: Рустам Лутфулин.
Қанот ҳакамлари: Ойбек Каллахўжаев, Темур Гайнулин.
Захирадаги ҳакам: Фаррух Янсупов.
Назоратчи: Набижон Рўзимов.
Комиссар: Ойбек Икромов.
«Жомбой»: Суҳроб Темиров, Нурбек Холжигитов (Ғанижон Жулиев, 46), Шерзод Жалолов (Шероз Давлатов, 46), Дилшод Азимов, Жаҳонгир Маматов (Жаҳонгир Эргашев, 46), Ойбек Эшбоев, Бекзод Намозов, Ойбек Туропов (Дилшод Неъматов, 63), Азиз Сафаров, Олмосбек Раҳмонқулов (Шоҳруҳ Маматов, 73), Ҳамроз Абдуғаниев.
«Бунёдкор»: Бахтиёр Худоёров, Азамат Жумабоев, Азиз Маҳамаджонов, Азизжон Мўйдинов (Анвар Маматов, 87), Ислом Абдужабборов (Раҳим Абдурашидов, 85), Абдуқодир Хусанов, Жавлон Анваржонов, Жаҳонгир Ўрозов, Асадбек Қаҳҳоржонов (Дилмурод Орипов, 55), Бобур Ёрбеков (Дилёрбек Қўзибоев, 64), Александр Зевадинов (Асадбек Исмоилбоев, 73).
Голлар: Шероз Жалолов, 45 – 1:0. Асадбек Исмоилбоев, 82 – 1:1. Азамат Жумабоев, 83 – 1:2.
Ўтиш ўйини. Отажонов шогирдларида ғалаба
Ўқилган: 1606