"Тоттенхэм" клуби бош мураббийи Жозе Моуриньо 2016 йилдан 2018 йилгача фаолият юритган "Манчестер Юнайтед"даги вақти ҳақида фикр билдириб ўтди.
"Фаолиятимнинг маълум бир қисмида натижага эришиш учун менга вақт керак бўлмаган.
"Порту", "Интер", "Реал" ва икки маротаба "Челси"да шунақа бўлган. Ҳаммасига эришганмиз ва бунинг учун кўп вақт кетмаган.
Шу билан бирга менда янгилик қилишга ва турли давлатларга саёҳат қилишга кучли истак бўлган. Ўша ерда чемпион бўлиб янги тажрибага эга бўлишни истар эдим. Ажойиб вазиятлар бўлган: ғалаба қозониш, хайрлашиш ва яна янгилик излаш.
Менга вақт кераклигини тушунган биринчи клубим "Манчестер Юнайтед" бўлган ва у ерда менга вақт беришмади.
Мен жараённинг ўртасида жамоани тарк этаётганимни сезганман ва ўша пайтлари ўзимда бошқаларнинг қарорини ҳурмат қилишга ўргатиш ишларини бошлаган эдим.
У ерда ҳамма мендан рози бўлган ва мен ҳам улардан розиман", - дейди Моуриньо.