Азар "Реал" клубидаги 16 ой ичида 8 марта жароҳат олди
"Реал" клуби ярим ҳимоячиси Эден Азар Ла Лига 11-тур доирасида "Алавес"га қарши ўйинда жароҳат олди.
As нашрининг маълум қилишича, ушбу жароҳат футболчининг 16 ой ичида Мадридга келганидан кейин саккизинчиси бўлди.
Бельгиялик футболчи ушбу мавсум барча ўйинларнинг 25 % да иштирок этди, ўтган мавсум эса бу кўрсаткич 33,6 % ни ташкил қилган. Шу тариқа, Азар "Реал" клубида барча ўйинларнинг 31,8 % ни майдонда ўтказди.
Таққослаш учун футболчи "Челси" клубида ўтган 7 йил ичида 12 маротаба жароҳат олган.
Ушбу мавсум Азар Ла Лига доирасидаги 3 та ўйинда иштирок этиб битта гол уришга эришди.
Ўқилган: 1691