Андреа Пирло: Роналдуга битта маслаҳат беришим мумкин
"Ювентус" клуби бош мураббийи Андреа Пирло А Сериянинг 8-тур "Кальяри" жамоасига қарши ўйин ва унда Криштиану Роналдунинг иккита гол ургани ҳақида фикр билдириб ўтди.
"Ўйинчилар ҳар хил бўлиши мумкин, бироқ бизнинг услубимиз ўзгаришсиз бўлиб қолади. Биз ўйинни яхши назорат қилдик, айниқса биринчи бўлим. Бундай ўйинлар бизга ишонч бағишлайди.
Терма жамоалар танаффусидан кейин бирданига диққатни жамлаш қийин бўлади, бироқ биз бошиданоқ тўғри йўлга тушиб олдик.
Ҳаммага маълумки, Роналду катта профессионал футболчи. У ўйин вақтида ҳам, машғулотлар пайтида ҳам ҳамма учун ўрнак бўлиб хизмат қилади.
Менинг Роналдуга берадиган ягона маслаҳатим, шу тарзда давом эт!", - дейди Пирло.
Ўқилган: 3039