"Атлетико" клуби бош мураббийи Диего Симеоне Испания чемпионати 10-тур "Барселона" устидан қозонилган ғалаба ҳақида фикр билдириб ўтди.
- Чемпионатда "Барселона" устидан қозонилган биринчи ғалаба, сизнинг елкангиздан юкни олдими? "Атлетико" – Ла Лигада ғалаба қозониш учун фаворитми?
- Футболда ўйиндан ўйинга қараб бориш керак. Баъзида биз ғалаба қозонамиз, баъзида ютқазамиз. Уларга қарши сўнгги ўйинларда биз ғалабага яқин бўлдик.
Мен жамоанинг ҳаракатларидан, уларнинг ҳимоя ва ҳужумдаги ўйинни тушунганидан мамнунман. Бизда жуда ҳам яхши вазиятлар бўлди. Масалан, Льоренте гол уриши мумкин эди.
Киритилган гол бизга сокин ўйнашимиз ва иккинчи гол уришга имконият қидиришимиз учун имконият берди. Бироқ "Барселона"да ўйинни ютиб кетиш учун ҳар доим имконият бор.
Мен олдин ҳам айтганман, бизда яхши ўйинчилар гуруҳи бор ва биз уларга кутган нарсаларини бермоқдамиз. Ижро ва фикр ўртасидаги алоқа ажойиб нарса пайдо қилади – жамоа учун барча кучни бериб ишлаш.
- Ла Лигани ютган мавсум билан ҳозирги мавсум ўртасида ўхшашлик борми?
- Йўқ, кўрмаяпман.
- Кейинги ўсиш учун имкониятлар борми?
- Албатта, ўтган мавсум билан таққослаганда ўйинчиларнинг ўсганини кўрмоқдаман.
- Сиз бошқа "Барселона"ни кўришни кутганмидингиз?
- Бу "Барселоа" мураббийига бериладиган савол. Икки жамоа олдин кўпроқ майдон марказида қараб ўйнаган, - дейди мураббий.