"Барселона" Дембеле билан шартномасини узайтирмоқчи. Ўйинчи ўйлаб кўради
"Барселона" клубининг қанот ҳужумчиси Усмон Дембеле каталония жамоаси сафидаги фаолиятини давом эттириши мумкин.
Mundo Deportivo нашрининг маълум қилишича, "Барселона" раҳбарияти футболчи билан шартномани узайтирмоқчи. Франциялик ўйинчининг "Барселона" билан тузган келишуви 2022 йилнинг ёзида ўз якунига етади ва клубнинг мақсади шу мавсум якунига қадар футболчи билан келишувни узайтириш.
Томонлар ўзаро суҳбат қуришган, бироқ расмий таклиф билан мурожат қилинмаган. Дембеле клубнинг истакларини билади, бироқ шубҳаланмоқда ва аниқ бир қарорга келгани йўқ. У ўзининг энг оптимал формасига чиқмоқчи.
"Барселона" клуби эса ўз навбатида футболчини сотишидан олиши мумкин бўлган 40-50 млн еврони айни пайтда ҳеч ким тўлай олмаслигини тушунмоқда.
Ўқилган: 2333