Рамоснинг терма жамоадаги матбуот анжумани бекор қилинди. Футболчи "Реал"даги келажаги ҳақида баёнот бермоқчи эди
"Реал" клуби ҳимоячиси Серхио Рамос Испания терма жамоасининг бугунги матбуот анжуманида иштирок этмайди.
Испанияликлар УЕФАга Рамоснинг ўрнига "Ман Сити" футболчиси Родри иштирок этиши ҳақида огоҳлантирган.
Рамос матбуот анжуманида "Реал" клуби билан боғлиқ шартномаси борасида баёнот бериши кутилаётган эди. Шу билан бирга бугун "Реал" президенти Флорентино Перес ҳам оммавий ахборот воситаларига чиқиш қилиши керак эди, аммо As нашрининг маълум қилишича бу ҳам бекор қилинган.
Маълумотларга кўра, "Реал" клуби Рамосга янги 2023 йилгача амал қилувчи кўпроқ маош билан шартнома таклиф қилади. Ҳимоячини эса "ПСЖ" клуби ўз сафига қўшиб олишга тайёр.
Ўқилган: 1877