"Барселона" ва "Бунёдкор" клубларининг собиқ ҳужумчиси Ривалдо каталонияликларнинг ҳужум чизиғини кучайтириш кераклиги ҳақида фикр билдириб ўтди.
"Барселона" клуби Ансу Фатининг жароҳатидан олдин кимнидир сотиб олиши керак деб ҳисоблар эдим, энди бу ҳақида янада кўпроқ ўйланиб қолдим.
Клуб чемпионлар лигасида кураш олиб боришни истаса, бир ёки иккита ҳужумчи сотиб олишга ҳаракат қилиши керак. Куман ҳужум чизиғида кўпроқ имкониятларга эга бўлиши ва бу билан катта ўйинларда рақобатбардошли бўлиши лозим.
Ансу яхши ўйнади, унда жамоа сафида ўйнаш учун кўпроқ ишонч пайдо бўлаётган эди. Унинг йўқлиги – мураббий учун яна битта бош оғриқ, - дейди Ривалдо.
Эслатиб ўтамиз, Фати оёғидан жиддий жароҳат олиб жарроҳлик амалиёти қилинган эди. Унинг тикланиш муддати март ойининг ўрталарига қадар давом этади.