УЕФА қўл билан ўйин қоидасини амалда ишлатиш борасида ФИФАга мурожат қилди.
Европа қўмитаси ҳакамларга қоидаларда ўйинчиларни адолатсиз жазоламаслик учун кўпроқ имкон берадиган ўзгартиришлар киритишни сўради. Жумладан, бу ерда гап ҳакамларга ўйинчиларнинг атайлаб қўл билан ўйнаганини текширишни яна рухсат бериши ҳақида кетмоқда.
"Қўл тўпга текканини аниқ аниқлаш учун бажарилган уринишлар, жуда ҳам кўплаб адолатсиз қарорларнинг қабул қилинишига олиб келди ва бу футбол оламида ноқулайлик норозилик келтириб чиқарди.
Ўйин руҳияти ҳар доим сақланиб қолиниши керак. Менинг фикримга кўра, тўп қўлга текканидан кейин гол инобатга олинмаслиги ҳақидаги қоидани қайтариш керак бўлади.
Тўпнинг тасодифан қўлга тегиб кетиши ҳолати тез-тез бўлиб туради. Бундан қочиб бўлмаслигини инобатга олган ҳолда, тасодифий тегишлар жазоланмаслиги лозим. Чунки шу вазиятлар баъзида ўйин тақдирини ҳал қилиб қўймоқда.
Тўғри деб қабул қилинган қарорлар ўз мақсадига етиб бормаётганини тан олиш керак. Шунинг учун ҳам қоидаларни қайта кўриб чиқиш керак", - дейди Александр Чеферин.
Яқин вақт ичида Жанни Инфантино ушбу мурожатни кўриб чиқади.у