Франция терма жамоасининг собиқ футболчиси Робер Пирес ўз даврининг ва ҳозирги даврнинг энг яхши ўйинчилари ҳақида фикр билдириб ўтди.
- Сиз ўйнаган энг яхши футболчи ким бўлган?
- Уф. Улар кўп бўлган: Зидан, Жоркаефф, Анри, Бергкамп, Рикельме... Энг кучлиларидан бири эса Роналдиньо.
- Месси ва Криштиану Роналду ҳали ҳам юқорида турибди, бироқ уларнинг фаолияти якунланаётганини унутиб бўлмайди. Нима деб ўйлайсиз, уларнинг ўрнига ким келади?
- Умид қиламанки, улар имкон қадар узоқ ўйнашади ва биз уларни кузатиш лаззатидан кўпроқ баҳра оламиз.
Уларнинг ўринларига? Билмадим, кимдир бормикан. Менга Мбаппе ва Неймарнинг ўйинларини кузатиш ёқади, лекин Месси ва Криштиануга ўхшайдиганлари йўқ. Менинг фикримга кўра, яқин келажакда биз уларга ўхшаганларни учратмасак керак, - дейди Перес.