"Барселона" клуби бош мураббийи Роналд Куман ҳужумчи Антуан Гризманн билан боғлиқ вазият ҳақида фикр билдириб ўтди.
Франциялик футболчи миллий терма жамоа ўйинидан кейин: "Мураббий мени қаерга қўйишни билади" деб таъкидлади.
- Менинг Антуан билан муаммоим йўқ. Мен уни ҳеч қачон бегона жойга қўймаганман. Биз ўнинчи ўйинчи жойида 9 та футболчи билан ўйнай олмаймиз.
- Гризманнинг сўзлари сизга таъсир қилдими?
- Ҳар бир одам истагини гапиришга ҳаққи бор. Кеча кундузи у билан гаплашган эдим, лекин бу ҳақида эмас.
У ўнинчи ва тўққизинчи жойларида ҳам ўйнаши мумкин, лекин буни мен ҳал қиламан. У эса бор кучи билан ҳаракат қилиши керак.
- Гризманн омадга эришиш учун нима қилиши керак?
- Бор куч билан ҳаракат қилиш, бироз омад ва туғилган имкониятдан унумли фойдаланиши керак. Мураббий бошқаради, у эса бор кучини бериши керак.
- Мессига дам бериш ҳақида ўйладингизми?
- Биз ҳар бир ўйинда энг яхши таркибни майдонга туширишни истаймиз. Термалар катта жамоаларга чарчоқ қўшишади. Барча қизиқиш ва қувонч билан қайтиб келишди. Машғулотлардан кейин кўрамиз, - дейди Куман.