Дидье Дешам: Жаҳон чемпиони бўлсанг ҳам енгил ҳаракат билан ғалаба қозонишнинг иложи йўқ
Франция терма жамоаси бош мураббийи Дидье Дешам Миллатлар лигаси доирасида Хорватияга қарши кечган сафар ўйини ҳақида фикр билдириб ўтди.
"Бизни ҳақиқий жанг кутаётганини билар эдик. Ўйинни яхши бошладик. Икки тўплик фарқни қўлдан бой бердик, Килианда яхши имконият бўлган эди. Иккинчи бўлимда эса қилишимиз керак бўлган ишни амалга оширдик.
Биз октябрь ойида яхши ўйнадик. Ушбу давр ғалаба билан якунлангани яхши бўлди. Биз жаҳон чемпиони бўлганимиз учун енгил ҳаракат билан ғалаба қозонишнинг иложи йўқ. Рақиб ўйинига ҳам қараш керак", - дейди Дешам.
Ўқилган: 1602