Адиль Рами: Мен фаолиятимни омадлироқ ўтказишим мумкин эди, бироқ овқат менинг муаммоим бўлган
Франция терма жамоасининг собиқ ҳимоячиси Адиль Рами ўз футбол фаолияти ҳақида фикр билдириб ўтди.
"Мен ҳаёт тарзим яхшироқ бўлганида, фаолиятимни омадлироқ ўтказишим мумкин эди. Менда кўп сайрлар, аёллар бўлган ва мен ўз вазнимга умуман эътибор қилмаганман.
Менинг муаммоим овқат бўлган. Овқатланишни яхши кўраман. Бу аянчли ҳолат, чунки формада бўлган пайтим менга биронта ҳужумчи ҳавф туғдира олмайди", - дейди Рами.
34 ёшли ҳимоячи сентябрь ойида "Боавишта" клуби билан шартнома имзолаган.
Ўқилган: 1341