Италия терма жамоаси бош мураббийи Роберто Манчини Миллатлар лигаси доирасида Голландияга қарши ўйин ҳақида фирк билдириб ўтди.
"Ўйин жуда ҳам қизиқарли, чиройли бўлди. Икки жамоа ғалаба учун жанг қилишди, охиригача ўйнашди. Голландия яхши жамоага эга. Балким, бизнинг сентябрь ойидаги ғалабамизга ҳамма ҳам қўшилмайди, лекин ўшанда ажойиб ўйин намойиш қилганмиз.
Рақиб бешта ҳимоячи билан ҳаракатланди – бу уларнинг биринчи ўйиндан кейин бизга қарши тайёргарлик кўрганини кўрсатади. Оғир ўйин бўлишини билар эдик. Ҳужум қилдик ва ўйлайманки кўпроқ вазият ярата олдик.
Энди бизни Польшага қарши биринчи ўрин учун ўйин кутмоқда. Ҳар доим ҳар бир ўйинда ғалаба қозониш учун интиламиз, яна нима деса бўлади? Биз икки ўйинда ғалаба қозониб, плей-оффга чиқамиз", - дейди Манчини.