"Манчестер Сити" клуби ва Аргентина терма жамоаси ҳужумчиси Серхио Агуэро ўзининг "Барселона" сардори Лионель Месси билан алоқалари ҳақида фикр билдириб ўтди. Улар терма жамоа йиғинларида битта хонада қолишади.
"Биз эски қария турмуш ўртоқлар кабимиз. Месси – жуда ҳам қайсар. Мен ҳар доим ёқилиб қолиб кетган телевизор билан ухлаб қоламан, эрталаб у менга норозилигини билдиради.
Биз меҳмонхонага 19:30 да қайтамиз ва 21:00 да кечки овқат тановул қиламиз. Шу вақт оралиғида бўш вақт бўлади. Лео дарров душга кириб кетади ва пастга тушиш учун тайёр бўлиб олади. Мен эса диванда смартфон чуқалаб ётган бўламан. Вақт ўтади ва у менга "Соат тўққизда кечки овқат, ярим соат вақт қолди" дейди. Мен ётишда давом этаман ва у яна давом этади: "10 дақиқа вақт қолди, ҳар доим кечикиб юрамиз. Бу ерда бир соат қолиб кетдик!" дейди.
Кейин мен ҳаракат қилишни бошлайман. Унга кечикиш ёқмайди!", - деб кулади Агуэро.