"Реал" клуби "Манчестер Юнайтед"дан ярим ҳимоячи Поль Погбани сотиб олиш ниятида эмас.
As нашрининг маълум қилишича, "Реал" клуби франциялик футболчининг трансферидан тўлиқ воз кечишган. Раҳбарият фикри Погбанинг яқинда берган интервьюсидан кейин ҳам ўзгаришсиз қолган. Унда Погба мадрид клуби унинг учун орзу эканлигини таъкидлаган. Футболчи ҳозир йилига 15 млн евро маош олади, "Реал" эса унга бунча маблағ тўлашга тайёр эмас.
"Реал" клуби учун "Ренн" ярим ҳимоячиси Эдуардо Камавингани сотиб олиш асосий мақсад бўлиб турибди. Шу билан бирга 2022 йилда "Боруссия" ҳужумчиси Эрлинг Холандни шартнома муддати ўша йили якунига етадиган Карим Бензема ўрнига олиб келмоқчи.
"Реал" клуби барибир ҳам яна "ПСЖ" ҳужумчиси Килиан Мбаппени ўз сафига қўшиб олиш учун уриниб кўради.