Тер Стеген "Барселона" билан шартномасини узайтиради
"Барселона" клуби дарвозабони Марк-Андре тер Стеген жамоа билан шартномасини узайтиришга яқин турибди.
Mundo Deportivo нашрининг маълум қилишича, дарвозабон агенти Герд фом Брух "Барселона" билан музокараларни давом эттирмоқда ва унинг омадли якунланишига ишора қилди.
Томонлар келишувни 2025 йилгача узайтириш бўйича шартнома имзолайди. Амалдаги шартноманинг муддати 2022 йилнинг ёзига қадар амал қилади.
Тер Стеген ва "Барселона" ўртасидаги музокаралар бир неча ой илгари бошланган эди, бироқ пандемия унинг кечишига жиддий таъсир ўтказди. Шунга қарамай, германиялик футболчи ҳар доим "Барселона"да қолиш истагини билдириб келган.
Ўқилган: 1605