"Манчестер Юнайтед" клуби бош мураббийи Оле-Гуннар Сульшер ўзаро ўйиндан олдин "Тоттенхэм" жамоаси бош мураббийи Жозе Моуриньо билан муносабати ҳақида фикр билдириб ўтди.
"Биз жуда ҳам ажойиб вақтларни бошдан ўтказмоқдамиз ва баъзида шунчаки хурсанд бўлиб туриш ҳам керак. Биз шунчаки бир жуфт қизиқарли мулоҳазаларни билдирдик.
Жозе – жуда ҳам қизиқарли мураббий. Сиз медиа олами вакиллари у билан суҳбатлашиб лаззат оласиз, менга эса унинг ҳаракатларини кузатиш ёқади.
Менга бундай ақл ўйинларига киришиш қийин. Мен Жозени футболга берган нарсалари ва унинг кўрсатган натижалари эвазига мураббий сифатида жуда ҳам қаттиқ ҳурмат қиламан.
Бироз қувноқ бўлиш – бу муҳим. Узоқ йиллар давомида Жозе ўзининг матбуот анжуманларида ва майдонда ҳам ажойиб ишларни амалга ошириб келади", - дейди Жозе.
Моуриньо жамоасининг Европа лигаси доирасида "Шкендия-79"га қарши ўйиндан кейин "Тоттенхэм"нинг дарвозаси стандартлардан 5 сантиметр пастроқ эканлиги аниқланган эди.
Шундан кейин "Брайтон" ўйинчилари "МЮ" дарвозасининг тўсинини бир неча маротаба нишонга олишди ва Сульшер: "Яхшиямки, бу ерда дарвозани ўлчамайдиган Жозе йўқ" деган эди. Ўша ўйинда норвегиялик мутахассис жамоаси 3:2 ҳисобида пенальтидан киритилган гол эвазига ғалаба қозонди.
Ўшандан кейин Моуриньо Сульшер учун дарвоза ўлчамлари муҳим эмас, балки жарима майдони ўлчамлари муҳим эканлигини айтган эди.
4 октябрь куни "Манчестер Юнайтед" клуби АПЛ 4-тур доирасида "Тоттенхэм"га қарши ўйинда Тошкент вақти билан 20:30 да майдонга тушади.