Куман Гризманн ҳақида: Мен жуда ҳам мамнунман. Энди унда кўпроқ эркинлик бор ва жуда ҳам яхши ўйнамоқда
"Барселона" клуби бош мураббийи Роналд Куман жамоа ҳужумчиси Антуан Гризманнинг боқша клубга ўтиши ҳақидаги миш-мишларга изоҳ берди.
"Бу мени ҳавотирга қўймайди. Антуан ажойиб ишламоқда. Энди унда кўпроқ эркинлик мавжуд бўлиб, яхши ўйин намойиш қиляпти.
Голландия терма жамоаси билан биз Францияга қарши ўйнаган эдик, ўшанда Антуан ўнг тарафда ҳаракат қилган. Унда кўплаб сифатлар мавжуд бўлиб, уларда катта хавф яширинган.
Бундан ташқари, у майдонни яхши кўра олади, бизга эса ўнг қанотда кенглик керак. Ундан кўнглим тўқ", - дейди Куман ўйиндан олдинги матбуот-анжуманида.
Эртага 1 октябрь куни "Барселона" Ла Лига 4-турида "Сельта" билан тўп суради.
Ўқилган: 2673