"Реал" клуби жамоа ярим ҳимоячиси Эден Азарга ўтган мавсум юзага келган қийинчиларни бартараф этиш учун кўмак беради.
Ok Diario нашрининг маълум қилишича, "Реал" бош мураббийи Зинедин Зидан бельгиялик футболчи учун якка тартибдаги режа тузиб берган. Клубдагилар ярим ҳимоячини майдонга туширишдан олдин формага киришини шошмасдан кутишмоқда.
"Реал" Азарга алоҳида мураббий тайинлаган. Шу билан бирга футболчи билан янги жароҳат олиш қўрқувини йўқотиш учун руҳий томондан ҳам ишлар олиб борилади.
Азарнинг Ла Лига 2-тур "Сосьедад" жамоасига қарши ўйнамаслиги аниқ. Клуб унинг тўлиқ тикланиши қанча вақт талаб этилса, шунча беришга тайёр. "Реал"нинг мақсади – Азарнинг энг яхши формасига кириши ва бунинг учун клуб кутишга тайёр.
Ўтган мавсум футболчи Ла Лигада 16 та ўйин ўтказиб, 1 та гол ва 6 та голли узатмани амалга оширган. Бир мавсумда футбочли 3 маротаба жароҳат олди ва уларнинг иккитаси жиддий кечди.