Ромелу Лукаку FIFA 21 даги рейтингидан норози бўлди ва уларни танқид остига олди
"Интер" клубининг бельгиялик ҳужумчиси Ромелу Лукаку футболга асосланган ўйин FIFA 21 ни ўз рейтинги (85) тушиб кетганидан кейин танқид остига олди.
"Ростини айтаман, FIFA футболчиларнинг рейтингини уларга нисбатан норозилигимизни билдиришлари учун атайлаб тушириб юборади ва бу билан ўзларининг машҳурлигини оширади. Мен бундай нарсаларга тупураман. Нима қилаётганимни биламан", деб ёзган Лукаку ўзи твиттер саҳифасида.
Жорий мавсум Лукаку "Интер" клуби сафида барча мусобақаларда 51 та ўйин ўтказиб, 34 та гол ва 6 та голли узатмани амалга оширган. Милан клуби билан бельгиялик футболчи Европа лигасининг финалига қадар етиб борди ва 2:3 ҳисобида "Севилья"га мағлуб бўлди. Ўша ўйинда Ромелу ҳисобни очган эди.
Ўқилган: 3168