"Барселона" клубининг уругвайлик ҳужумчиси Луис Суарес "Ювентус" билан музокараларни вақтинча тўхтатди.
Манбанинг таъкидлашича, Суарес "Ювентус" клубига ўтиши нотўғри қарор деб ўйламоқда, чунки бу унинг фаолиятидаги сўнгги йирик трансфер бўлиш эҳтимоли катта. Уругвайлик футболчи якуний қарорни қабул қилиш учун барча сценарийларни кўриб чиқмоқда.
Маълумотларга кўра, "Барселона" клуби бош мураббийи Роналд Куман уругвайлик футболчига ишонч билдирмайди. Футболчи учун асосий даъвогар сифатида "Ювентус" клуби бўлиб турибди. Футболчига шу билан бирга "Атлетико" клуби ҳам қизиқиш билдирмоқда.
Луис Суарес "Барселона" клуби сафида 2014 йилдан буён тўп суриб келмоқда. 2019/20 мавсумда уругвайлик тўпурар 36 та ўйинда иштирок этиб, 21 та гол ва 10 та голли узатмани амалга оширган. Суарес 2007 йилдан буён Уругвай терма жамоасига чақирилган.
*****