Роналду Хорватия терма жамоасига қарши ўйнамайди
Португалия терма жамоаси ҳужумчиси Криштиану Роналду бугунги Миллатлар лигаси доирасидаги Хорватия термасига қарши ўйинни ўтказиб юборади.
35 ёшли ҳужумчи португалияликларнинг қайдномасига киритилмаган. 7-рақам остида бугун "Порту" ҳужумчиси Сержиу Оливейра тўп суради.
Аввалги маълумотларга кўра, Криштианунинг оёғидаги бармоғида инфекция аниқланган. У антибиотиклар билан даволаниш курсларини ўтамоқда.
Кейинги ўйинни португалияликлар 8 сентябрь куни Швецияга қарши ўйнайди.
Ўқилган: 1468