Суарес "Ювентус" билан "2+1" бўйича шартнома борасида келишиб олди
"Барселона" клуби ҳужумчиси Луис Суарес "Ювентус" жамоасига ўтиш учун яқин бўлиб турибди.
Уругвайлик футболчи туринликлар билан шахсий шартнома борасида келишувга эришди, деб маълумот бермоқда Marca нашри.
Шартнома "2+1" бўйича тузилган бўлиб, унинг йиллик маоши солиқларни чиқариб ташлаганда йилига 10 млн евро олади. Таъкидланишича, "Ювентус" клуби футболчига шундай маошнинг берилишига Испаниядан фарқ қилувчи Италия солиқ қонунчилиги кўмак берган.
Унинг ўтиши ўйинчининг "Барса" билан шартномасини бекор қилиш жараёни чўзилиб кетаётгани туфайли амалга ошмай турибди. Суареснинг каталонияликлар билан амалдаги шартномаси 2021 йилда ўз якунига етади.
Ўқилган: 1963