"Лион" клуби ва Голландия терма жамоаси ҳужумчиси Мемфис Депай яқин вақт ичида "Барселона" билан шартнома имзолайди. Шундан кейин жамоа 26 ёшли футболчининг трансферини расман эълон қилади. Депайнинг трансферини каталонияликларнинг янги бош мураббийи Роналд Куман талаб қилган.
Ҳужумчи "Лион" клуби билан 2017 йили шартнома имзолаган бўлиб, 2020/21 мавсумда ўз якунига етади. Transfermarket нашри футболчини 44 млн еврога бахоламоқда. "Барса"дан ташқари Депайга "Милан" клуби ҳам даъвогарлик қилмоқда.
2020/21 мавсумда ҳужумчи битта ўйин ўтказиб, хет-трик қайд этиб, битта сариқ карточка олишга эришди. Мемфис Голландия терма жамоаси сафида бўлиб турибди ва Миллатлар лигаси доирасида Польша (4 сентябрь) ва Италия (7 сентябрь) терма жамоаларига қарши ўйинларга тайёргарлик кўрмоқда.