"Барселона" клуби ҳужумчи Луис Суарес билан шартномасини бекор қилиш борасида бир қарорга келгани йўқ.
Уругвайлик футболчи, каталонияликлар у билан муддатидан олдин келишувни бекор қилаётгани учун товон пули тўлаб бериши керак деб ҳисобламоқда.
Diario Sport нашрининг маълум қилишича, "Барса" ўйинчига пул тўлаш нияти йўқ.
"Барселона" клуби Сауареснинг "Ювентус" билан музокаралар олиб бораётганидан хабари бор ва футболчини текинга қўйиб юборишга тайёр, бироқ испанияликлар ҳужумчига шундоқ ҳам ўша миқдордаги пулни тўлаб беради деб ҳисоблайди.
Шу билан бирга "Ювентус" клуби Суарес ва "Барселона" имкон қадар тезроқ бир қарорга келишини истамоқда, чунки тез орада Италия чемпионати старт олади.
Аввалги маълумотларга кўра, "Барселона" клуби Суарес билан шартномасини бекор қилиши 14 млн еврога тушади.
*****