Кавани "Ювентус" клубига нима сабабдан рад жавоби бергани маълум бўлди
"ПСЖ" клубининг собиқ ҳужумчиси Эдинсон Кавани "Ювентус"га ўтишдан бош тортди.
Бир неча ҳафта олдин турин клуби вакиллари ҳужумчи вакиллари билан алоқага чиқиб, рад жавобини олишган. Кавани рад жавобини "Наполи" клубига бўлган кучли боғлиқлиги билан буни асослаган, деб маълумот бермоқда Goal.com нашри.
Таъкидланишича, ҳужумчи неаполитан клубидаги мухлислар муҳаббатини йўқотишни истамаган. Уругвайлик футболчининг "ПСЖ" клуби билан амалдаги шартномаси 30 июнь куни ўз якунига етган. Кавани "Наполи" клубида 2010 йилдан 2013 йилга қадар тўп сурган бўлиб, 138 та ўйинда 104 та гол уришга эришган.
Ўқилган: 2017