«Барселона» клуби «Лион»нинг франциялик ҳужумчиси Мусса Дембеленинг хизматларига қизиқиш билдирмоқда, деб маълумот бермоқда италиялик журналист Жанлука Ди Марцио.
Ўйинчи билан «Барса»нинг иккинчи мураббийи швециялик Хенрик Ларссон суҳбатлашган. Каталония клуби раҳбарияти франциялик футболчини Луис Суареснининг ўрнига номзод сифатида кўрмоқда. Куман янги жамоасида Суаресни кўрмоқчи эмаслигини билдирган.
24 ёшли Мусса Дембеле «Лион» клуби таркибида 2018 йилдан буён тўп суриб келмоқда, унгача футболчи «Фулхэм» ва Шотландиянинг «Селтик» клубларида тўп сурган. Франция чемпионатининг якунига етмаган 2019/20 мавсумида Дембеле «Лион» таркибида 27 та ўйинда иштирок этиб 16 та тўп киритилган. Шу билан бирга «Лион» билан у ЕЧЛ ярим финал босқичи қадар етиб борди.
*****