«Барселона» клубининг чилилик ярим ҳимоячиси Артуро Видаль миланнинг «Интер» ўйинчисига ўтиши мумкин, деб маълумот бермоқда Италия нашрлари.
Ўйинчи билан музокаралар ўтказишни клуб раҳбарияти жамоа бош мураббийи Антонио Конте билан бўлган йиғилишдан кейин қарор қилган. Ҳозирда «Интер» ўйинчининг атрофидагилар билан алоқага чиқмоқда. Аввалги маълумотларга кўра, «Барселона» клубининг янги бош мураббийи Роналд Куман Видальни ўз жамоасида кўриш истаги йўқлигини билдирган.
Артуро Видаль «Барселона» клубига 2018 йили «Бавария» жамоасидан ўтган эди. Испан клуби таркибида футболчи 2019 йилда мамлакат чемпионлигини, 2018 йили Суперкубокни қўлга киритган.Испания чемпионати 2019/20 мавсумда чилилик футболчи «Барселона» сафида 33 та ўйин ўтказиб, 8 та гол ва 4 та голли узатмани амалга оширган.