Игуаиннинг "Ювентус" клубидан кетишини Пирло ҳам тасдиқлади
"Ювентус" бош мураббийи Андреа Пирло жамоа ҳужумчиси Гонсало Игуаиннинг клубни тарк этишини маълум қилди.
"Мен Игуаин билан гаплашдим. У менга ёқади. Гонсало фаолиятининг муҳим палласини шу ерда ўтказди ва ажойиб ўйин намойиш қилди.
Бироқ биз йўлларимизнинг айрилишига келишдик. Жиддий одамлар каби суҳбатлашдик ва қарор қабул қилдик. Хедирага келадиган бўлсак, у жароҳатланган. Қачон тикланганидан кейин кўрамиз", - дейди Пирло матбуот анжуманида.
32 ёшли аргентиналик футболчи 2016 йили "Наполи" клубидан "Ювентус" сафига ўтган эди. Туринликлар сафида Игуаин уч маротаба Италия чемпиони ва икки марта Италия кубогини қўлга киритди.
*****
Ўқилган: 1845