"Барселона" клуби маошлар қайдномасини кескин қисқартирмоқчи деб маълумот бермоқда As нашри.
Айни пайтга келиб каталонияликларнинг футболчиларга тўлайдиган ҳаражати бир йилга 525 млн еврони ташкил қилади ва бу клуб бюджетининг 61 %ини ташкил қилади.
"Барса" президенти Жозеп Бартомеунинг фикрига кўра, клубнинг молиявий аҳволи барқарор эмас ва кейинги мавсумдан пандемия оқибатида юзага келган инқироз туфайли клуб бюджети камида 300 млн еврога қисқаради.
Шу сабабли ҳам "Барселона" клуби жамоанинг юқори маош олувчи ўйинчиларининг бир нечтасининг кетишига йўл қўяди. Мақсад – маошлар қайдномасини 100 млн еврогача тушириш.
Аввалги маълумотларга кўра, клуб Жерар Пике, Сержи Бускетс, Жорди Альба ва Сержи Робертоларга маошининг камайишига розилик беришларини сўрайди.