Ўзбекистон – Эрон ўртасидаги ўртоқлик учрашуви октябрь ойига кўчирилди
ФИФАнинг 2020 йил 18 август куни ЎФАга юборган расмий хатига мувофиқ, жорий йилнинг сентябр ойидаги ФИФА кунлари 2022 йил январ ойигача қолдирилди.
Шу сабабли, Эрон футбол федерациясининг илтимосига биноан, Ўзбекистон – Эрон ўртоқлик учрашуви 7 сентябрдан 7 октябр санасига кўчирилди.
Бироқ Ўзбекистон миллий терма жамоасининг сентябр ойидаги ўқув-машғулот йиғини режалаштирилганидек ўтказилади.
Шу сабабли, Тожикистон футбол федерацияси билан келишилган ҳолда Ўзбекистон – Тожикистон ўртоқлик ўйини аввалдан режа қилинганидек, 3 сентябрь куни Тошкентда бўлиб ўтади.
Ўқилган: 1912